بِسمِ اللهِ الرَّحْمَنِ الرَّحِيمِ Allah, in the name of, the Most Affectionate, the Eternally Merciful
Religion & Ethics Dedicated to ethics, religious tolerance, peace and love for humanity		اخلاقیات اور مذہب اعلی اخلاقی رویوں، مذہبی رواداری، امن اور انسانیت کی محبت سے وابستہ
اردو اور عربی تحریروں کو بہتر دیکھنے کے لئے نسخ اور نستعلیق فانٹ یہاں سے ڈاؤن لوڈ کیجیے
Home	انسان کا اپنی شخصیت پر کنٹرول
Religion & Ethics
Personality Development
Islamic Studies
Quranic Arabic Learning
Adventure & Tourism
Risk Management
Your Questions & Comments
Urdu & Arabic Setup
About the Founder
انسان کی شخصیت کے دو پہلو ہیں۔ ایک اس کا ظاہر اور دوسرا اس کا باطن۔ انسان کا ظاہر وہ ہے جو دوسرے لوگوں کو واضح طور پر نظر آتا ہے۔ اس میں اس کی ظاہری شباہت اور رویے شامل ہیں۔ باطن میں انسان کی عقل، علم، جذبات، احساسات اور رجحانات شامل ہیں۔ عام طور پر انسانوں کا ظاہر ان کے باطن ہی کا عکس ہوتا ہے البتہ بعض افراد عارضی طور پر اپنے باطن پر پردہ ڈالنے میں کامیاب ہو ہی جاتے ہیں۔ انسان کی بعض باطنی صفات مستقل نوعیت کی ہوتی ہیں جبکہ کچھ کیفیات عارضی نوعیت کی ۔ انسان کی مستقل صفات وہ ہوتی ہیں جو ایک طویل عرصے میں ارتقاء پذیر ہوتی ہیں اور ان میں تبدیلیاں بہت آہستہ آہستہ آتی ہیں۔ یہ صفات انسان کی پوری عمر اس کے ساتھ رہتی ہیں۔ مثلاً انسان کی علمی و عقلی سطح ایک طویل عرصے میں ہی بلند ہوتی ہے اور اس میں تبدیلی کی رفتار کو سالوں میں ناپا جاتا ہے۔ اس کے برعکس انسان کی خوشی یا غمی ایک عارضی کیفیت ہے جو ہر تھوڑی دیر کے بعد بدل جاتی ہے۔ یہ ممکن ہے کہ ایک شخص پانچ بجے خوش ہو لیکن ساڑھے پانچ بجے کسی وجہ سے غمگین ہو گیا ہو۔ غصہ، خوشی، غمی، جنسی خواہش، انتقام، محبت، نفرت سب ہی انسانوں میں پائی جاتی ہیں لیکن ان کے اظہار کے وقت جو لوگ خود پر قابو رکھتے ہیں، وہی زندگی میں کامیاب افراد سمجھے جاتے ہیں۔ اس کے برعکس جن افراد کو ان پر کنٹرول نہیں ہوتا وہ زندگی بھر ناکامیوں کا سامنا کرنے پر مجبور ہوتے ہیں۔ ایک شخص اگر بات بات پر بھڑک اٹھتا ہو تو سب لوگ اس کی شخصیت کے تصور میں اس کا غصہ ور ہونا بھی شامل کر دیتے ہیں۔ جذبات کا شخصیت کا حصہ بن جانا انسان کی کمزور شخصیت کی علامت ہے۔ اگر آپ اپنی شخصیت کو مضبوط بنانا چاہتے ہیں تو اپنے جذبات کو کنٹرول کرنا سیکھئے۔ محمد مبشر نذیر August 2006
مصنف کی دیگر تحریریں قرآنی عربی پروگرام / سفرنامہ ترکی / مسلم دنیا اور ذہنی، فکری اور نفسیاتی غلامی / اسلام میں جسمانی و ذہنی غلامی کے انسداد کی تاریخ / تعمیر شخصیت پروگرام / قرآن اور بائبل کے دیس میں / علوم الحدیث: ایک تعارف / کتاب الرسالہ: امام شافعی کی اصول فقہ پر پہلی کتاب کا اردو ترجمہ و تلخیص / اسلام اور دور حاضر کی تبدیلیاں / ایڈورٹائزنگ کا اخلاقی پہلو سے جائزہ / الحاد جدید کے مغربی اور مسلم معاشروں پر اثرات / اسلام اور نسلی و قومی امتیاز / اپنی شخصیت اور کردار کی تعمیر کیسے کی جائے؟ / مایوسی کا علاج کیوں کر ممکن ہے؟ / دور جدید میں دعوت دین کا طریق کار / اسلام کا خطرہ: محض ایک وہم یا حقیقت / Quranic Concept of Human Life Cycle / Empirical Evidence of God’s Accountability